राम दहित
धनगढी, साउन २० गते । थारु समुदायमे पुस्तौनी रोगकेरुपमे देखापरल सिकलसेल रोग न्यूनिकरणकेलाग राज्यसहित थारु समुदायसमेत सचेत हुईपर्ना सरोकारवालाहुक्रे बतैले बातैं । रोगके निदानमे सरकार इमान्दारिता देखाइपर्ना थारु अगुवाहुक्रनके माग बा ।
सिकलसेल रोग विरुद्धके अभियानहे राजनीतिक तवरसे सम्बोधन करेसेक्ना मेरिक अभियानके रुपमे लैजाई पर्ना सहायक प्रमुख जिल्ला अधिकारी हिरालाल चौधरी बटैले बाटै ।
सिकलसेल रोग विरुद्धके तेसर राष्ट्रिय जागरण दिवसके अवसरमे सिकलसेल रोगमुक्त समाजके निर्माणमे सरोकारवाला हुक्रनके भूमिका विषयक अन्तरक्रिया कार्यक्रममे उहाँ ऊ बात राखल हुईट ।
कार्यक्रमके बड्कापहुना समेत रहल सहायक प्रमुख जिल्ला अधिकारी चौधरी थारु समुदायमे किल देखापर्ना सिकलसेल एनेमिया रोग दुःखद ओ भयावह रहल बटैलै । सिकलसेल रोग निदान बारे प्रशासनिक तवरसे किल पहल हुई नाईसेकी उहाँ कहलै । ओकरलाग उहाँ राजनीतिज्ञ, सरोकारवाला निकायलगायत सरकारी गैरसरकारी संघ संस्थामार्फत सचेतीकरणसहित दवाव मूलक कार्यक्रम कैना आवश्यक रहल बतैलैं ।
साथे उहाँ स्थानीय प्रशासनमार्फत अपन सेकटसम पहल कैना प्रतिवद्धता जनैले बाटै । जिल्ला जनस्वास्थ्य कार्यालयके वरिष्ठ जनस्वास्थ्य अधिकृत जयबहादुर कार्की सिकलसेल एनिमिया रोगबारे प्रयाप्त मात्रामे अनुसन्धान करे पर्नामे जोड देहल रहिट ।
कार्यक्रमके घरगोसिया समेत रहल जनस्वास्थ्य अधिकृत कार्की सिकलसेल रोग खास सामुदायिक स्वासथ्य समस्या रहल बटैटी निदानके लाग संस्थागतरुपमे आघे बह्रना आवश्यक रहल बटैलै । साथे उहाँ सिकलसेल रोगहे सरकारसे आपन राष्ट्रिय स्वास्थ्य शिक्षा नीति तथा कार्यक्रममे समेत राख सेकल जानकारी करलैं ।
जनस्वास्थ्य अधिकृत कार्की रोग परिक्षण कैना मेसिन सरकारसे खरिद कैसेकल मने प्राविधिक नाइहोके अञ्चल अस्पतालमे लाने नाई सेकल जनैलै । कार्यक्रममे पूर्व सांसद कृष्णकुमार चौधरी कुन्दन सिकलसेल रोग पुुस्टैनी ओ वंशाणुगत रोग रहलओरसे यिहीसे पाछे भयावह अवस्था आई सेक्ना बटैलैं । सयममे निराकरण कैना राज्यके प्रमुख दायित्व रहल उहाँ कहलैं ।
ओस्तके कार्यक्रममे थाकस कैलालीके पूर्व सभापति प्रभातकुमार चौधरी सिकलसेल विरामी लगायत रोगसे प्रभावित हुुईल थारु समुुदायके रोग परिक्षण कैना मेसिन सेती अञ्चल अस्पतालमे अनिवार्यरुपमे व्यवस्था करे पर्ना आग्रह करल रहिट ।
नागरिक समाजके अगुवा तथा फाया नेपालके पूर्व अध्यक्ष धनपति ढुुंगेल सिकलसेल एनिमिया थारु समुदायके लगायत देशके समस्या रहल बटैटी यकर दिगोरुपसे निराकरण करकलाग आमनागरिक सरोकारवाला निकाय एकजुट होके लागेपर्ना बटाईल रहिट । रोगबारे गाउँघरमे सेचता अभिवृद्धि कैना तमान मेरिक कार्यक्रम आयोजना कैना जरुरी रहल उहाँ बटैलै ।
अमन चौधरी ओ वडा नं. ७ पटेलाके शान्ति चौधरी औषधोपचारके लाग राज्यसे देजैना सेवा सुविधा ढिउर झन्झटिलो रहल बताइल रहिट ।
कार्यक्रममे सेती अञ्चल अस्पतालके वरिष्ठ चिकित्सक डा. शेरबहादुर कमर सिकलसेल एनिमिया रोगबारे जानकारी कराईल रहिट । उहाँ सिकलसेल रोग, उपचार कैना पद्धति, रोगके लक्षण ओ समस्याबारे जानकारी कराईल रहिट ।
कार्यक्रममे अधिवक्ता जोहारीलाल चौधरी सिकलसेल रोग घटनापरक आधारमे किल देखगैल ओरसे यिहीहे सरकारीतवरसे अनुुसन्धानात्मक तरीकासे पत्ता लगैना जरुरी रहल ओ खासकैके राजनीतिज्ञहुक्रे यी समस्याहे गम्भीरताकेसाथ लेहेपर्ना आग्रह कर्लै ।
ओहे कार्यक्रममे सिकलसेल रोग पीडित धनगढी उपमहानगरपालिका वडा नं. १ के अमन चौधरी ओ वडा नं. ७ पटेलाके शान्ति चौधरी औषधोपचारके लाग राज्यसे देजैना सेवा सुविधा ढिउर झन्झटिलो रहल बताइल रहिट ।
थारु नागरिक समाज कैलालीके संयोजक दिलबहादुर चौधरी पहुनाहुक्रनहे स्वागत कैटी सिकलसेल रोगबारे प्रकाश पारल रहिट । कार्यक्रमके सञ्चालन थारु नागरिक समाजके सचिव ठाकुरप्रसाद करियाप्रधान करल रहिट । कार्यक्रममे थरुहट तराई पार्टी नेपालके केन्द्रिय उपाध्यक्ष नन्दकुमार चौधरी, सचिव मीनराज चौधरी, थाकसके सहमहामन्त्री इन्दिरा चौधरी, थाकस जिल्ला सचिव माधव थारु, इन्जल नेपालके अध्यक्ष दुुज्जी चौधरी लगायत बोलल रहैं ।
अस्तके थारु महिला सभाके अध्यक्ष दुुर्गा कुुश्मी, मुुक्तकमैया समाजके केन्द्रिय अध्यक्ष पशुपति चौधरी, मुुक्त कमैया महिला विकास मञ्चके अध्यक्ष कौशिला चौधरी, मुक्त कमलरी विकास मञ्चके अध्यक्ष बिष्णा चौधरीलगायत टमान संघसंस्थाके प्रतिनिधीहुक्रनके सहभागिता रहे ।
