हमार पहुरा डट कम
काठमाडौं, पुस २ गते । नेपाली काँग्रेसको प्रदेश २ तर्फको महिला केन्द्रीय सदस्यमा थारु नेतृ गीता चौधरी पराजित हुनुभएको छ । महिला केन्द्रीय सदस्यमा काँग्रेस नेतृ चित्रलेखा यादव निर्वाचित हुनुभएको छ । सभापति शेरबहादुर देउवा समूहबाट यादव निर्वाचित हुनुभएको हो । गीता चौधरी यादवसँग ८४६ मतान्तरले पराजित हुनुभएको छ । नेतृ चौधरीले मतदाता सबैलाई सामाजिक सञ्जालमार्फत धन्यवाद दिनुभएको छ ।
प्रदेश दुई भूगोलको महिलातर्फबाट केन्द्रीय सदस्यमा निर्वाचित हुनुभएका चित्रलेखाले २७३१ मत पाउनुभयो भने चौधरीले १८८५ मत ल्याउनुभयो । मतदानमा जम्मा ४६६२ मत खसेको थियो । यसअघि नै प्रदेश २ को भूगोलतर्फ पुरुषमा देउवा पक्षका आनन्द ढुंगाना र रमेश रिजाल निर्विरोध निर्वाचित हुनुभएको थियो ।
थारु कोटाबाट सहमहामन्त्रीमा उमाकान्त चौधरी निर्वाचित हुनुभयो । उहाँले नेता तेजुलाल चौधरीलाई पराजित गरी निर्वाचित हुनुभएको हो । कृष्णप्रसाद सिटौला पक्षबाट उम्मेदवार बन्नुभएका उमाकान्तले २७५६ मत प्राप्त गर्नुभयो भने शेखर कोइराला पक्षबाट उम्मेदवार बन्नुभएका तेजुलालले १८७७ मत पाउनुभयो ।
