काठमाडौं, फागुन २ गते । प्रधानमन्त्री केपी शर्मा ओलीले राउटे मुखियाहरुलाई तीनलाख रुपियाँ आर्थिक सहयोग प्रदान गर्नुभएको छ ।
प्रधानमन्त्री ओलीकोतर्फबाट उहाँका स्वकीय सचिव रमेश भट्टराईले प्रधानमन्त्री निवास बालुवाटारमा आइतबार उहाँहरुलाई सो आर्थिक सहयोग उपलब्ध गराउनु भएको हो । शुक्रबार प्रधानमन्त्रीलाई भेट्न राउटेहरुको एक प्रतिनिधिमण्डल काठमाडौं आएको थियो ।
आर्थिक सहयोग सँगै प्रधानमन्त्री ओलीले राउटे मुखियाहरुलाई लगाउने कपडासहित जुत्ता र अन्य सामग्री पनि उपलब्ध गराउनुभएको प्रधानमन्त्रीका प्रेस सल्लाहकार प्रमोद दहालले जानकारी दिनुभयो ।
