नेपालगञ्ज, चैत ९ गते । पश्चिम नेपालका थारु मुक्त कमलरीहरूलाई आर्थिक रुपले आत्मनिर्भर बनाउन सीपमुलक तालिम र आर्थिक अनुदान उपलब्ध गराइएको छ।
घरेलु बाल श्रमिकको रुपमा जमिन्दारको घरमा काम गर्नु परेका अधिकांश थारु मुक्त कमलरीले माध्यमिक तहको पढाइसमेत पूरा गर्न सकेका छैनन्। सानैदेखि अरुको घरमा काम गर्नुपर्ने र घरको आर्थिक समस्याले थारु चेलीहरु विद्यालय जानबाट बञ्चित हुन्छन् ।
त्यस्ता समस्यामा रहेका करिब एक सयजना मुक्त कमलरीलाई दस दिनको नास्ता बनाउने तालिम दिई नास्ता पसल सञ्चालनका लागि ठेला, आवश्यक भाँडाकुडा र ३० हजार नगद उपलब्ध गराइएको मुक्त कमलरी विकास मन्च बाँकेले जनाएको छ।
त्यस्ता समस्यामा रहेका करिब एक सयजना मुक्त कमलरीलाई दस दिनको नास्ता बनाउने तालिम दिई नास्ता पसल सञ्चालनका लागि ठेला, आवश्यक भाँडाकुडा र ३० हजार नगद उपलब्ध गराइएको मुक्त कमलरी विकास मन्च बाँकेले जनाएको छ।
मुक्त कमलरीहरुलाई मःम, चाउमिन, समोसा, सिमी, चटपटलागयत दस किसिमका नास्ता बनाउन सिकाइएको थियो। तालिमसँगै र आर्थिक अनुदानसमेत उपलब्ध भएपछि आफूहरूको दैनिकी सहज भएको मुक्त कमलरी सुशीला थारुले बताउनुभयो ।
थारु बहुल जिल्ला रहेको छ जिल्लामा करिब ३० हजार मुक्त कमलरी रहेको अनुमान गरिन्छ । तर सरकारसँग अहिलेसम्म एकिन लगत छैन ।
