राम दहित
धनगढी, साउन ३२ गते । धनगढी उपमहानगरपालिका–५ जाई गाउँमे थारु हरेरी महोत्सव २०७३ हुुइना हुइल बा । भाषा, संस्कृति, कला, भेष, भुुषा हमार पहिचान, हरेरी महोत्सव मनैना सक्कुु किसानन्के अभियान’कना मुल नाराकेसाथ यिहे भदौ ३ गतेसे ५ गतेसम हरेरी महोत्सव हुुइना बतागिल बा ।
थारु समुदायसे धान बालीमे लग्ना रोगव्याधि हटाइक्लाग मनैटी आइल हरेरी पुजाहे बृहत रुप डेटी जाई बासीहुक्रे हरेरी महोत्सव आयोजना कर्ना हुुइल बाटै । यहेबीच महोत्सव तयारीके लाग स्थानीय हुक्रे टमान समितिफेन गठन कर्ले बाटै । थारु बुुद्धिजीवी कुलवीर चौधरीके संयोजकत्वमे १५ सदस्यीय मुल आयोजक समितिमे गठन हुइल बा ।
जेकर उपसंयोजकमे गोठुुराम चौधरी सदस्यमे विहारीलाल चौधरी, सुनिराम चौधरी, रामप्रसाद चौधरी, सन्तराम चौधरी, तिलकराम चौधरीलगायत रहल बाटै ।
ओस्टके सल्लाहकार समितिमे फेन गठन कैगिल बा । जेकर सदस्यमे विनय चौधरी, दिलबहादुर चौधरी, सुनिराम चौधरी ओ खडक चौधरी रहल बाटै ।
सल्लाहकार समितिके सदस्य खडक चौधरी कृषि ओ साँस्कृतिक क्षेत्रहे लक्षित करके महोत्सव आयोजना करल जानकारी डेलै । उहाँ हरेरीपुजा तथा महोत्सवके सम्बन्ध कृषि ओ साँस्कृतिक क्षेत्रसे जोरल ओरसे कार्यक्रममे उद्घाटन जिल्ला कृषि विकास प्रमुखमार्फत हुुइना बटैलै । ओहेक्रममे कृषि क्षेत्रके विकासके लाग ओ सम्भावनावारे समेत छलफल हूुइना आयोजक जनैले बा ।
तीन दिनसम चल्ना महोत्सवमे थारु समुदायके लोपोन्मुुख अवस्थामे रहल कला संस्कृतिके प्रदर्शन कर्ना जनागिल बा । मुल आयोजक समिति संयोजक कुलबीर चौधरी थारु समुदायके लोपोन्मुुख मुुंग्रहुवा नाच, लठ्ठहुवा नाच, लाठीनाच, सखिया नाच, बर्कीमार प्रस्तुत हुुइना जानकारी डेलै । अत्रही केल नाई रानाथारु ओ कठरिया थारु समुदायके टमान सांस्कृतिक कार्यक्रम फेन हुुइना संयोजक चौधरीके कहाई बा ।
हरेरीपुुजा थारु समुदायके टमान टरटिहुवार ओ पुुजापाठ मध्ये एक हो । समान्यतया थारुवस्तीमे यी पुजा दुुईदिन कर्ना प्रचलन बा । धान बालीमे लग्न किरा ओ रोग हटाइक लाग यी पुुजा मनाजाइठ ।
एक अट्वार यहोर थारुबस्तीमे यी पुुजा हुुइटी आइल बा । जाई बासीहुक्रे कृषि क्षेत्रके आधुनिकीकरण कर्ना ओ कला संस्कृतिके संरक्षण तथा प्रवद्र्धन कर्ना उदेश्यकेसाथ जुुटल बाटै ।
