राम दहित
कैलाली (गदरिया), कार्तिक २९ गते । सक्कु थारुजाति हुक्रे आपन जातिय पहिचान लगायत इतिहास खोजेपर्ना थरुहट तराई पार्टी नेपालके बरिष्ठ नेता तथा सांसद डा.गोपाल दहित बटैले बाटै ।
गदरिया वडा नं. ९ सामारचौरा गाउँमे दहित गोतियार भेलाहे अँट्वारके रोज सम्बोधन करटी डा. दहित ऊ धारणा राखल रहिट । थारु जातीनके कूलवर्ण, जात, धर्म संस्कृति दिन प्रतिदिन हेरैटी गैल ओरसे उहाँ सक्कु थारुहुक्रनहे आपन जातीय पहिचान खोजेपर्ना औल्याइल रहिट ।
उहाँ थारु जाती भित्तरफेन सयौं उपजाती रहल ओरसे उहाँ सक्कु थारु हुक्रनहे आपन जातके पहिचानके बारेम ऐतिहासिक जानकारी लेहे पर्ना समेत डा. दहित औल्याइल रहिट ।
उहाँ थारु जाती भित्तरफेन सयौं उपजाती रहल ओरसे उहाँ सक्कु थारु हुक्रनहे आपन जातके पहिचानके बारेम ऐतिहासिक जानकारी लेहे पर्ना समेत डा. दहित औल्याइल रहिट ।
कार्यक्रममे यूनिक नेपालके केन्द्रिय अध्यक्ष देवमान चौधरी थारुहुक्रे आपन भेषभूषा, रीतिसंस्कृति, चालचलन लगायतके सक्कु चीजमे धनी रहल बटैले रहिट । कार्यक्रममे कठरिया समाजके केन्द्रिय कोषाध्यक्ष सुरज कठरिया फेन आपन मनतब्य रख्ले रहिट ।
दहित गोतियार भेलामे थारु लोकगायक मनिराम चौधरी, आधुनिक गायक रमेश मिसन, दर्पण कुशम्या ओ विजय चौधरीके वेजोड प्रस्तुती फेन रहल रहे । ओस्तके खरुवाखेराके झुम्रानाचसे फेन उपस्थित दहित गोतियारहुक्रे मनोरञ्जन लेहल रहिट ।
दहित गोतियार गदरियाके अध्यक्ष महाबीर दहितके घरगोसियाइमे कार्यक्रम हुइल रहे । दहित गोतियारके जिल्ला सहसचिव जागु दहितसे स्वागत हुइल कार्यक्रमके सञ्चालन जिल्ला सचिव दिनेश दहित करले रहिट ।
