बर्दिया, मङ्सिर १६ गते । थारु गाउँघरमा रहेको वडघर प्रथा संरक्षण र पहिचान हुनुपर्ने माग थारु अगुवाहरुको छ । संविधानमै प्रथाजनित कानून अन्तर्गत त्यसलाई समेट्न माग उहाँहरुको छ ।
बर्दियाको गुलरियामा कमैया महिला जागरण समाज नेपालले बुधबार आयोजना गरेको ‘दिगो स्थानीय विकासमा थारू प्रथाजनित सङ्गठनको भूमिकाः सम्भावना र चुनौती’ विषयक एक अन्तरक्रिया कार्यक्रममा पाँचहजार वर्ष पुरानो वडघर प्रथाको संरक्षण हुनुपर्ने सरोकारवालाले चिन्ता व्यक्त गरेका छन् ।
सरकारी संरचनामा थारू पहिचान नरहेकाले थारू वडघरको पहिचान हुनुपर्ने मागगर्दै राज्यको पुनःसंरचनामा वडघरको पहिचान हुनुपर्ने माग जिल्ला वडघर महासङ्घका अध्यक्ष रामशाही चौधरीले गर्नुभयो ।
गाउँमा वडघरले थारू संस्कृतिअनुसार गाउँमा वेठवेगारी, विकास निर्माणको काम गर्दापनि सरकारी संरचनामा वडघर चेपुवामा परेको र दासकारुपमा प्रयोग भइरहेकाले तथा सरकारी संरचनामा थारू पहिचान नरहेकाले थारू वडघरको पहिचान हुनुपर्ने मागगर्दै राज्यको पुनःसंरचनामा वडघरको पहिचान हुनुपर्ने माग जिल्ला वडघर महासङ्घका अध्यक्ष रामशाही चौधरीले गर्नुभयो ।
स्थानीय सरकारी निकाय र थारूप्रथाजनित सङ्गठन वडघर, नयाँ संरचनामा थारू वडघर तथा भल्मन्साले थारूको थनुवा (मन्दिर) मर्मत गरेर आफ्ना देवीदेउता तथा हात्तीघोडाका मूर्तिहरुको दिगो संरक्षणमा लागेको जिल्ला वडघर महासङ्घका अध्यक्ष चौधरीले बताउनुभयो ।
अन्तरक्रियामा स्थानीय सरकारी निकायमा दिगो विकासका लागि थारू प्रथाजनित सङ्गठनको भूमिकाका सकारात्मक पक्ष र सुधारात्मक पक्षको विषयमा गहन छलफल सरोकारवालाले गाउँका वडघर, जिल्ला विकास समिति र गाउँका अगुवासँग गरेको कमैया महिला जागरण सङ्घ नेपालका अध्यक्ष कृष्णी थारूले वताउनुभयो ।
