महा महङ्गा होगिल

त्वहार बटिया, महा महङ्गा होगिल ।
करिया गटिया, महा महङ्गा होगिल ।

आजा–बुदु करैं, काठ कवारके काम
ओहे खटिया, महा महङ्गा होगिल ।

पहिले घर भर्के, छकित्रा भाँरा वर्तन
काँसक टठिया, महा महङ्गा होगिल ।

भोजमे बेल्सना, ठुन्यार टपरी डोना
सख्वक् पतिया, महा महङ्गा होगिल ।

चौंकस चैनार रहे, सबके घर अङना
भोजाही बरटिया, महा महङ्गा होगिल ।

बोली ठोली कहाँ, आदर सत्कार रहे
डुलारु नतिया, महा महङ्गा होगिल ।

रचनाः २०७६ जेठ ७ गते ।