बेलौरी, असार २२ गते । कञ्चनपुरको बेलौरी नगरपालिकामा नेकपा माओवादी केन्द्रका पोतिलाल चौधरी प्रमुख पदमा विजयी हुनुभएको छ । त्यस्तै, उपप्रमुखमा एमालेकी चित्राकुमारी चौधरीले विजयी हात पार्नुभयो ।
सम्पन्न मतगणनाअनुसार बेलौरी नगरपालिकाको प्रमुख पदका उम्मेदवार चौधरीले आफ्ना निकटम प्रतिद्वन्दी एमालेका पल्लवराज भट्टलाई ३५७ मतको अन्तरले हराउँनुभयो ।
चौधरीले ६ हजार ७६४ र भट्टले ६ हजार ४०७ मत ल्याएका थिए। उपमेयर चौधरीले आफ्ना निकटतम प्रतिद्वन्दी माओवादी केन्द्रका राधा कडेँललाई ६२७ मतको मतको अन्तरले हराउँदै उपप्रमुखमा निर्वाचित हुनु भयो ।
चौधरीले ६ हजार ७४८ र कडेँलले ६ हजार १६१ मत ल्याएका थिए। बेलौरी १० को वडाध्यक्षमा पनि माओवादी केन्द्रको हरिलाल चौधरीको प्यानलै विजयी भएका छन्।
