‘बनसप्ती’ लोपोन्मुख परम्परा

विचार

बमबहादुर थारु

‘बनसपती’ थारु भाषासंहे सम्बन्धित बा । एकर अर्थ हुइट–बनवँक् आराध्य देवी । नेपालीम इहिहे बन्देवी चाहे देउराली कठैं । इहिहे फे दोसर शब्दम कलेसे वनस्पति कलेसे फरक नैपरी ।

परापूर्व कालसे थारुक पुर्खाहुक्र बन–जंगलेक आँजर पाँजरमे बसोबास कैना एक बन प्रिय प्राणीक रूपमे सर्वविदिते बा । बनुवाँसे पइना जीवन उपयोगी काठीपाता, घाँस–चरन, बन्वाहाँ जनावर, चिरइचुरुङ्गनके सिकार, बनहाँ टिनाटावन, सागपात, कन्दमूल, बेमती–फुटकी–राइ, गरजुवा, जडीबुटी आदि लगायत स्वच्छ बयाल–पानी साठे घुमघामके आनन्द सक्कु बनवे ओरसे सम्भव बटिन । अइसिन अनुपम ओ उपयुक्त जगही बनवँक् आँजर पाँजर हुइक पुर्खाहुक्रे अपन रोजीरोटीसे लैक जीना–मुनक सुगमस्थल मन्लेरहैं । बिन बनुवँक् मनैं जिए फे नैसेकठंै । अइसिन आवश्यक ओ महत्वपुर्ण बन सम्पदाहे हमे्र सम्मान संरक्षण ओ संवद्र्धनफे कर्टी आइल बटी । उहे ओरसे हमार पुर्खाहुक्रे दाई समान रक्षक ओ पुजेक पर्ना मन्टी बनस्पती मातक नाउँसे पुज्टी आइल हुइही । आज हम्रफे ऊ पुर्खा हुक्रनके पौली पछियैटी हुकहाँर सम्मान करली ओ पुजली फे । आझ दिन पर्बत बासिन्दा हुक्रनके हालीमुहाली बहर्लक् ओरसे बनसप्तीहे बन्देवी चाहे देउराली कटी सम्मान कैना ओ पूजा कैजाइट ।

हमार पुर्खाहुक्रे दाई समान रक्षक ओ पुजेक पर्ना मन्टी बनस्पती मातक नाउँसे पुज्टी आइल हुइही ।

कुछ दसक आघेसम बन–जङ्गलके आकार चाहे क्षेत्रफलफे बरा रहिस । बनुवँम् बाघ भालु चितुवा अजगर जसिन खतरनाक जनावरफे    रहिंत् । बनुवँम डगरक् नाउँमे पट्टिर ठौरा उहो फे झालाभुmँगीसे भरल रहिस । डगरम् चोर–डाँकन् डरफे रहे । यी जैसिन भय ओ त्राससे मुक्तिक लाग बनसप्ती माताहे स्मरण कैना चाहे सम्झना प्रचलन रहे । सक्कु बनुवँक् सक्कु जसिन डगरक बिच्चेबिच्चे रुखवँक् झालापाटा टुर्के डगरेक् पाँजरमे ढुहाके उहिहे सम्मान कर्टी अमूर्त बनसप्ती कटी पुज्ना चलन रहे ओ आसमे बटलेबा फे । जाइबेर झालापाटा टुरके चढैना ओ लौटानिम उहे झालापाटा निकार्क पँजरे राखडेना कैजाए । एसही झालेझालक रास लाग राखे ।

बनसप्ती खुडे प्रकृतिक रक्षक हुइठ भक्षक नैहुइँट चाहे बनुवँक् सुग्घुर सुरट ओ मनमोहनी छटा हुइठाँ ।

यी रीत ओ परम्परा पुस्तो पुस्तासे चल्टी आइल हो । झालापाटा बाहेक बनसप्तीहे कुच्छु चीज च¥हाइल नै डेख मिलठ् । पछिल समयमे बनचौकिक् बनपलिए अलग्ग कोसमेक रुखवा तर बन्देबी कैह्के बोकवक् बली च¥हाइल डेखगिल । देउरालिम अझकल कठवँक मुंग्रम त्रिसुल ओ चिर्कुट टाँगलफे डेखगिल । यी अइसिन कारबार पहिले नैरहे । बनसप्ती खुडे प्रकृतिक रक्षक हुइठ भक्षक नैहुइँट चाहे बनुवँक् सुग्घुर सुरट ओ मनमोहनी छटा हुइठाँ ।

यिहिन सन्तान–दरसन्तान कायम रख्ना हमार परम कर्तव्य ओ दायित्व फे हो । अन्तिममे यी बनसप्तीक संरक्षण ओ संवद्र्धन करकलाग हम्रे सक्कुजाने जिम्मेवारी लिइ । जय होवे बनसप्ती माता । हरियर बन नेपालके धन जुग–जुग चरितार्थ रहे ।

(कञ्चन १ बकुलगाढ, रुपन्देही)

तपाईको प्रतिक्रिया