काठमाडौ, पुस २८ गते । हरेक महिनक् अन्तिम शनिच्चरके त्रिवि कीर्तिपुर परिसरमे हुइना ठुम्रार साहित्यिक बखेरीक् ३३ औ श्रृंखलामे पुस २५ गते अमेरीकासे आइल गजलकार आरके स्वागत एकल गजल बाचन कर्ले बातैं ।
उहाँ करीब दुइ दर्जन रचना बाचन कर्ले रहिट । बाचित रचनामे प्रदेशके पीडा, थरुहट आन्दोलन, नाकाबन्दी, मैयाप्रेम लगायतमे केन्द्रित रहे ।
अस्टके महेश कुचिला, भूमिका थारु, नन्दुराज चौधरी, सेवेन्द्र कुसुम्या लगायत कविलोग माघी बिशेष रचना सुनैले रहिट ।
बर्दियाली थारु विकास मञ्चके अध्यक्ष सिताराम चौधरी संस्थापन पक्षके हेपहा प्रवृत्तिसे खुलामञ्चमे छुट्टे माघी महोत्सव मनाइपर्ना बारेम बत्वइले रहिट । कार्यक्रम ठुम्रार साहित्यिक बखेरीक् सुत्राधार कृष्णराज सर्वहारीक् अध्यक्षतामे हुइल रहे ।
