राम दहित
धनगढी, जेठ ५ गते । वाणिज्य तथा आपुर्तिम मन्त्री जयन्त चन्द सुदूरपश्चिमसे कृर्षिजन्य सामाग्री ओ जडिबुटीके अन्य बस्तुके तुलनामे धेउर निर्यात धेउर मात्रामे हुईटी रहल बटैले बाटै ।
कैलाली उद्योग वाणिज्य संघके सहआयोजना, व्यापार तथा निकासी प्रवद्र्धन केन्द्रसे आयोजना करल सुदूरपश्चिम क्षेत्रसे निकासीके सम्भाव्य वस्तुके वर्तमान अवस्था, समस्या ओ समाधान विषयक अन्तरक्रिया कार्यक्रममे मन्त्री चन्द ऊ बात बत्वाइलै ।
मन्त्री चन्द सुदूरपश्चिम देशके जडिबुटी, कृषि ओ हाईड्रोपावरमे धनीक्षेत्र हो, यी क्षेत्रके सम्भावनाके विकास करे सेक्लेसे अर्थतन्त्र बलगर बनाई सेक्ना बटैलै । आयत—निर्यात ब्यवस्थाहे थप प्रभावकारी बनाईकलाग सरकारसे उत्तरदक्षिण (भारत चीन जोड्ना) सिमानाका खोल्ना पहल करल बटैलै ।
उहाँ मुलूकहे अर्थतन्त्रमे आत्मनिर्भर बनाईक लाग अन्तरदेशीय सम्बन्ध बह्रैना जरुरी रहल बटैलै । उहाँ आयत ओ निर्यातमे धेउर अन्तर रहल ओरसे उहीहे एक ठाउमे लानकलाग निर्यातजन्य बस्तुके उत्पादन बृद्धि करेपर्नामे जोड देलै ।
मन्त्री चन्द सुदूरपश्चिम देशके जडिबुटी, कृषि ओ हाईड्रोपावरमे धनीक्षेत्र हो, यी क्षेत्रके सम्भावनाके विकास करे सेक्लेसे अर्थतन्त्र बलगर बनाई सेक्ना बटैलै ।
मन्त्री चन्द देशके अर्थतन्त्रके विकास नाई हुईटसम मुलुकके विकास कैना सम्भव नाई रहल ओरसे पहिले देशमे आत्मनिर्भर अर्थतन्त्रके विकास कैना जरुरी रहल उल्लेख कर्लै । उहाँ देशहे अर्थतन्त्रमे बलगर बनाईक लाग निजीक्षेत्र ओ सरकार एक होके लग्ना जरुरी रहल बतैलैं ।
ईश्वरीप्रसाद घिमिरे सुदूरपश्चिमसे कृर्षि उत्पादन ओ जडिबुटी उत्पादनमे बृद्धि लन्ना हो कलेसे यी क्षेत्रके अर्थतन्त्र बलगर बनाई सेक्ना बटैलै । उहाँ यी क्षेत्रमे खोटा, गम, काठ, सतुवा, मह, चिनी अन्य ठाउँमे निर्यात हुईटी रहल जानकारी देलैं ।
उहाँके अनुसार गत वर्ष चार हजार दुई सय ९६ किलो खोटो, काठ, गम, सल्फेट कैके सात लाख ९६ हजार तिन सय ६० किलो, कटास ३० हजार एक सय ८० किलो, चिनी प्रशोधन २० लाख ७८ हजार नौ सय ५० किलो निर्यात हुईल रहे ।
कार्यक्रममे बाणिज्य मत्रालयके सचिव महेन्द्र उपाध्याय अब्बे मन्त्रालयसे सुदूरपश्चिमके विकासहे प्राथमिकतामे राखल ओरसे यहाँके सम्भावनाहे कार्यक्रममार्फत प्रभावकारी बनैना ओ समस्याके समाधान कैना मन्त्रालय लागल बटैलै ।
कार्यक्रममे सहभागि कैलाली उद्योग वाणिज्य संघ पदाधिकारी, यातायात व्यवसायी समितिके पदाधिकारी, व्यापारी, व्यवसायी, पत्रकारहुक्रे चिनसंगके नाका खोलेपर्ना, गौरिफण्टा नाकामे क्यारेन्टाईन चेकपोष्ट राखेपर्ना, कृषकहे अनुदानके कार्यक्रम लानेपर्ना, सामान आयातमे भन्सार लगाई पर्ना ओ निर्यातमे भन्सार छुट करेपर्ना लगायतके माग राखल रहिँट ।
कार्यक्रम कैलाली उद्योग वाणिज्य संघके वरिष्ठ उपाध्यक्ष हिक्मत कुवरके घरगोसियाईमे हुईल रहे कलेसे कार्यक्रमके सञ्चालन सचिव भिमबहादुर देउवा करल रहिट ।
