राम दहित
धनगढी, जेठ २९ गते । धनगढी उपमहानगरपालिका–२० (साविक फूलवारी गाविस) ‘डि’गाउँमे ६० लाखके लागतमे निर्मित आधुनिक रंगशालासहितके फुटबल खेल मैदानके भर्खर उद्घाटन करगिल बा ।
प्याराफिट, ग्राउण्ड, बहुउदेश्यीय भवन, आँजरपाँजर पर्खालसहित निर्माण हुइल रंगशाला उद्घाटन राष्ट्रिय खेलकुद परिषदके सदस्यसचिव केशव बिष्ट उद्घाटन करल रहिट । उद्घाटन कार्यक्रमके बर्का पहुना समेत रहल सदस्यसचिव बिष्ट उद्घाटन समारोहहे सम्बोधन कर्टी पाछेक समयमे नेपालमे सबसे धिउर लोकप्रिय चीजके रुपमे खेलकुद रहल बटैलै । साथे उहाँ नेपाली परिवार, समाज या समग्र देश खेलकुदमैत्री अभिनसम बने नैसेकल बटैटी उहाँ अइना दिनमे सरकारके प्राथमिकता खेलाडी होके बाँचे सेक्ना आधार निर्माण कर्नामे हुइक पर्ना बटैलै ।
प्याराफिट, ग्राउण्ड, बहुउदेश्यीय भवन, आँजरपाँजर पर्खालसहित निर्माण हुइल रंगशाला उद्घाटन राष्ट्रिय खेलकुद परिषदके सदस्यसचिव केशव बिष्ट उद्घाटन करल रहिट ।
सुप्रिम कमिटी फर डेलिभरी एण्ड लिगेसी नामक गैरसरकारी संस्थाके जेनेरेसन अमेजिंग कार्यक्रम अन्तरगत रंगशाला निर्माण हुइल हो । कार्यक्रममे सुप्रिम कमिटीके सि.एस.आर कार्यक्रमके अधिकृत रोसा डी एलेक्ज्यान्डो, साझेदार संस्था राइट टु प्ले ओ मर्सीकोर नेपालके प्रतिनिधी, स्थानीयवासी, खेलकुद प्रेमी, विद्यार्थीलगायतके सहभागिता रहे ।
रंगशाला निर्माणपाछे यी क्षेत्रके स्थानीयहुक्रे हार्षित हुइल बाटै । रंगशाला निर्माणसंगे यी क्षेत्रमे खेलकुदके विकास तीब्र गतिमे हुइना आशा फेन व्यक्त करगिल बा ।
सुप्रिम कमिटी फर डेलिभरी एण्ड लिगेसीके कार्यक्रम संयोजक राममणि चौधरीके अनुसार सन २०२२ मे कतारमे हुइना फिफा विश्व कप आयोजनाके सक्कु तयारीके जिम्मेवारी पाइल संस्था रहल जनैले रहिट । सुप्रिम कमिटी फर डेलिभरी एण्ड लिगेसी संस्था नेपालके चार स्थानमे रंगशाला निर्माणमे सहयोग करल जनाईल बा । फूलवारीमे निर्माण सम्पन्न रंगशाला संस्थाके अन्तिम संस्करण रहल फेन जनागिल हो ।
