धनगढी, साउन ९ गते । थारु कल्याण कारिणीसभा तमान विधामे उलेख्ख योगदान पुुगाईल कहटी छ जनहनहे सम्मानित करले बा । प्रमुख जिल्ला अधिकारी गोविन्द रिजाल उहाँहुक्रनहे खादासहित सम्मानपत्रसे सम्मानित करल हुुईट ।
सम्मानित हुुउईयामे थारु समुदायके संस्कृति संरक्षण ओ हकहितकेलाग बर्षौसे निरन्तर योगदान पुुगैटी आईल समाजसेवी ओ पुुर्खा दुुर्गौली ४ धर्मापुरके बड्कुलाल चौधरी रहल बाटै । हाल ८५ वरस होसेकल बड्कुलाल चौधरी थारु समुदायके संस्कृति संरक्षण ओ हकहितके लाग निरन्तर आवाज उठैटी आईल बाटै ।
ओस्तके थारु समुदायभित्तर कुुप्रथाके रुपमे रहल कमैयाप्रथाहे जरसे उन्मुलन कराईक लाग अतुलनीय योगदान पुुगाईल कहटी सीताराम चौधरीहे सम्मान करगैल बा । धनगढी उपमहानगरपालिका १७ पथरी बैठुुईया सीताराम चौधरीके कमैयाप्रथाहे उन्मुलन कराईकलाग खेलल् भूूमिका अतुुलनीय रहल बावै ।
थारुसमुदायके हकहितके लाग विगत लम्मा समयसे निरन्तर पत्रकारिता क्षेत्रसे योगदान पुुगाईल बाफत कान्पिुर समाचारदाता गणेश चौधरीहे सम्मान कैगिल हो । दुुर्गौली गाविस वडा नं. ७ सुवर्णपुर निवासी पत्रकार चौधरी विगत १८ बरससे पत्रकारिता क्षेत्रसे थारु समुदायके हकहितके लाग आवाज उठैटी आईल बाटै । पत्रकार चौधरी हाल कान्तिपुर दैनिकके टीकापुर समाचारदाताके रुपमे कार्यरत रहल बाटै ।
ओस्तके थारु यूवा विद्यार्थी क्षेत्रसे थारु समुदायके संस्कृति संरक्षण ओ हकहितके लाग निरन्तर योगदान पुुगुुईया थारु अभियन्ता ठाकुरप्रसाद करियाप्रधानहे सम्मान करगैल बावै । पहलमानपुर गाविस वडा नं. १ ठेवै निवासी थारु अभियन्ता करियाप्रधानके संयोजकत्वमे २०६० साल कैलाली जिल्लामे थारु विद्यार्थी समाजके गठन हुुईल रहे ।
उहाँ थारु विद्यार्थी लगायत युवाहुक्रनके हकहितके लाग साथे थारु समुदायके हकहितके लाग नितरन्तर आवाज उठैटी आईल बाटै । हाल उहाँ युवा अभियान कैलालीके जिल्ला संयोजकके रुपमे रहल बाटै ।
थारुभाषा, कला, संस्कृति संरक्षणकेलाग थारु गायन क्षेत्रसे योगदान पुगाईल बाफत थारु गायक मनिराम चौधरीहे सम्मान करगैल बा । उदासीपुर गाविस वडा नं. ६ पृथ्वीपुर बैठुुईया गायक चौधरी तमान साहित्य, उपन्यास लगायत गीति एल्वम निकार सेकल बाटै । उहाँके चम्फा फुुलुवार चर्चित गितिएल्बम रहल बावै ।
थारु साहित्यमार्फत थारु समुदायके हकहितके लाग आवाज उठैटी आईल थारु महिला साहित्यकार रविना चौधरी रब्बुहे सम्मान करल हो । भजनी–त्रिशक्ति नगरपालिका वडा नं. १२ गन्जहुवा निवासी साहित्यकार रब्बुु थारु समुदाय ओर पहिल महिला गजलकारके रुपमे रहल बाटी । उहाँ २०७१ साल ‘ओंरी’ थारु एकल गजलसंग्रह प्रकाशित करके पहिल थारु महिला गजलकारके रुपमे रहल बाटी ।
थाकस जिल्ला सचिव माधव चौधरी सम्मान कार्यक्रम थाकसके पहिल पाईला रहल ओरसे यिहीहे अईना दिनमे फेन निरन्तरता देना बटाईल रहिट ।
