राम दहित
रतनपुर, साउन १० गते । कैलालीके रतनपुर स्वास्थ्यचौकीके स्वास्थ्य चेकजाँच कैना कोठा अभावके कारण किशोर किशोरीहुकन परामर्श लेना समस्या हुइल बातिन् ।
स्वास्थ्यचौकीमे आवश्यक कोठा अभावकेकारण दैनिक चेकजाँच कराई अउइया किशोर–किशोरीलगायत विमारीहुकनहे समस्या हुइल हो । अत्रहिकिल कहाँ स्वास्थ्यकर्मीहुकन फेन स्वास्थ्यसेवा डेनामे समस्या हुइल बा ।
रतनपुर स्वास्थ्यचौकी इन्चार्ज रामश्रेष्ठ राय यादव स्वास्थ्यचौकीमे भवनलगायत अति आवश्यक कोठा अभावकेकारण स्वास्थ्यजाँच कैना समस्या रहल बटैलै ।
‘यहाँ सुरक्षित कोठाके अभाव बा, जौनकारण एक्के कोठामे सामान्य चेकजा“च, औषधोपचार, यौनसम्बन्धी परामर्श सेवा डेहेक परठ, इन्चार्ज राय यादव कहलै ।’
समान्यतयाः स्वास्थ्य चौकीमे यौनरोग, किशोरकिशोरी हुकन स्वास्थ्यसम्बन्धी परामर्श, गर्भपतन, गर्भवती तथा सुत्केरीसेवा डेना छुट्टाछ्ट्टे कोठा हुई पर्नामे ऊ स्वास्थ्यचौकीमे कोठा अभावकेकारण सक्कु सेवा एक्के कोठामे हुइटी आइल बा । जौनकारण स्वास्थ्यकर्मीहुक्रे सेवा डेनामे फेन समस्या हुइल गुनासो कर्ले बाटै ।
रतनपुर–९, भुईयाँफाँटाके उर्मिला चौधरी स्वास्थ्यचौकीमे स्वास्थ्य चेकजाँच कराई जाके फेन खुलके समस्या ओ जिज्ञासा राखे नैसेकजिना बटैली ।
स्वास्थ्यचौकीमे जैनाफेन समस्या लागठ, एक्के कोठामे स्वास्थ्यचौकीके जम्मा काम हुइठ, ओइसिन अवस्थामे आपन गोप्य समस्या कसिक राखे सेकजाई ?, उहाँ प्रश्न रख्ली ।
अक्के कक्षसे सक्कु सेवासुविधा डेटी रहल ओरसे महिला, किशोर–किशोरीहुक्रे यौनस्वास्थ्य सम्बन्धी परामर्श लेहे बहुट कम संख्यामे अइटी रहलओरसे किशोरकिशोरीमैत्री छुट्टेकक्ष हुई पर्ना इन्चार्ज राययादवके कहाई बा । मने यकरलाग कौनो निकायसे पहल नाई हुइल उहाँके कहाई बा ।
हाल रतनपुर स्वास्थ्यचौकीके कम्पाउण्ड भिट्टर तीनठो एकतले भवन रहल बा । एकठो भवन तीनकोठे बा कलेसे औरे भवनमे अक्केठो कोठा बा । कलेसे प्रसुती भवन भर निर्माणधिन अवस्थामे बा । अट्रही किल कहाँ, रहल तीनकोठे भवनके भित्ता पुरा चिर्राइल ओरसे जिर्ण अवस्थामे रहल बा । २०६६ सालमे निर्माण हुईल भवन गैलबरस बैशाख १२ गते आईल बिनासकारी भुँईचालसे भवनमे चिराचिरा परल हो । रतनपुर स्वास्थ्यचौकीमे सामान्य सेवा, ओपिडी सेवा, खोप सेवा ओ सुरक्षित गर्भपतन सेवा सुचारु रहल बा ।
स्वास्थ्य मन्त्री रामजनम चौधरी रतनपुरके स्वास्थ्यचौकीके स्थलगत निरीक्षण करटी स्वास्थ्य चौकीके स्त्तरोन्नति कैना प्रतिवद्धता जनाइल रहिट । मन्त्री बनलपाछे पहिलचो गृहजिल्ला पुगल स्वास्थयमन्त्री चौधरी पुस २९ गते कैलालीके टमान स्वास्थ्य संघसंस्थाके अवस्था तथा गतिविधी बुझ्ना ओ स्थानीयहुक्रनसे भेटघाट कैना उद्देश्यसे निरीक्षण करल रहिट ।
ऊ क्षेत्रके स्थानीयहुक्रे स्वास्थ्य चौकी अप्नही बेरामजस्ते हुइलपाछे बहुट दुखी हुइल बा । मने सम्बन्धित सरोकारवाला निकायसे आश्वासन वाहेक कुछ नाई पाइसेक्ले हुइटै । स्वास्थ्य मन्त्री रामजनम चौधरी रतनपुरके स्वास्थ्यचौकीके स्थलगत निरीक्षण करटी स्वास्थ्य चौकीके स्त्तरोन्नति कैना प्रतिवद्धता जनाइल रहिट ।
मन्त्री बनलपाछे पहिलचो गृहजिल्ला पुगल स्वास्थयमन्त्री चौधरी पुस २९ गते कैलालीके टमान स्वास्थ्य संघसंस्थाके अवस्था तथा गतिविधी बुझ्ना ओ स्थानीयहुक्रनसे भेटघाट कैना उद्देश्यसे निरीक्षण करल रहिट । मन्त्री चौधरीसे पूmलवारी, हसुलिया, पवेरा ओ रतनपुरके स्वास्थ संस्थाके अनुगमन तथा निरीक्षण करल रहिट ।
कैलालीमे चार प्राथमिक स्वास्थ्य केन्द्र ओ ४७ ठो स्वास्थ्यचौकी बा । मने, स्वास्थ्य चौकीमे भवन अभावहोके किशोर किशोरीहुकनहे यौनपरामर्श देना काममे समस्या हुइल जिल्ला जनस्वास्थ्य कार्यालय कैलालीके वरिष्ठ जनस्वास्थ्य अधिकृत जयबहादुर कार्की स्वीकार कर्लै । जिल्लाके सक्कु प्राथमिक स्वास्थ्य केन्द्र ओ स्वास्थ्यचौकी, दुईठो सामुदायिक अस्पताल ओ एक अञ्चल अस्पतालमे जिआईजेडके सहयोगमे कार्यक्रम सञ्चालन हुईटी आईल बा ।
