राम दहित
फूलबारी, पुस १२ गते । धनगढी उपमहानगरपालिका २० एच गाउँमे पहिलोचो बुधसे सञ्चालन हुइना पूmलबारी साँस्कृतिक महोत्सव २०७३ के सक्कु तयारी पुरा हुइल आयोजक न्यु बुद्ध स्पोर्ट युवा क्लव जनैले बा ।
महोत्सवके उद्घाटन वन तथा भु–संरक्षण राज्यमन्त्री दिर्घराज भाटसे हुइना आयोजक हुक्रे जनैले बातैं । पुस १३ गतेसे २२ गतेसम सञ्चालन हुइना फुलवारी साँस्कृतिक महोत्सवमे विशेषकैके स्थानिय कला संस्कृतिके प्रवद्धन तथा राउटे ओ थारु समुदायके खानपान ओ जिवनशैली मुख्य आर्कषणके रुपमे रहना जनागिल बा ।
मुख्य प्रयोजककेरुपमे भावना अटो टे«ड एण्ड सप्लायर्स रहल महोत्सवमे सह–प्रायोजकके रुपमे दक्षिणकाली इनकर्पोरेटिङ रहल बा । महोत्सवमे एकसय स्टल रहना आयोजक जनैले बा ।
साविकके फुलवारी गाविस धनगढी उपमहानगरपालिका घोषणा हुइल दुई बरस विट्लेसे फेन विकासके दृष्टिकोणसे पाछे परलकारण महोत्सव आयोजना हुइल आयोजक समिती जनैले बा । दश दिनसम सञ्चालन हुइना महोत्सवमे राष्ट्रिय कलाकार मिलन लामा, ज्योती मगर, बद्री पंगेनी, टिका पुन अर्जुन कौशल रामजी खाडँलगायतके कलाकारके प्रस्तुती रहना क्लबके अध्यक्ष महेश गोल जानकारी डेले बाटै ।
महोत्सवमे बजार अनुसन्धान एव्म लौव वस्तुके अवसर सृजना कैना, कृषि क्षेत्रमे जडिवुटी पेशाहे व्यवसायीकरुपमे उन्मुख करैना ओ प्रदेश नम्बर ७ के कला, लोक संस्कृति ओ साहित्यके जर्गेना ओ प्रवद्र्धनमे सहयोग पुगैना उद्देश्य महोत्सवके रहल बा । महोत्सवमे ४० लाखके कारोबार हुइना ओ ८० हजारसे ढिउर दर्शक महोत्सवके अवलोकन कैना आयोजक समितीके सदस्य यादवप्रशाद भण्डारी जानकारी डेलैं ।
